ကဗျာကဏ္ဍ - ၅

အနောက်တိုင်းကဗျာသုံးသပ်ချက်

• ကမ္ဘာပေါ်တွင် ပြောဆိုသုံးစွဲသော ဘာသာစကားများ ကွဲပြားသော်လည်း ကဗျာ များ၏အာဘော်များမှာ မူအားဖြင့် ခပ်ဆင်ဆင်တူသည်ကိုတွေ့ရသည်။အနောက် နိုင်ငံများ၏ကဗျာလင်္ကာများကို ကြည့်လျှင် အနောက်လောကယဉ်ကျေးမှုဘိုးအေ ဟု ခေါ်ဆိုရသော ဂရိနှင့်ရောမ အဆက်အနွယ်များကို တွေ့နေကြရပေသည်။ ဂရိစာပေတွင် အော့ဒီဆီခေါ် လင်္ကာကြီးမှာ ရှေးစစ်တိုက်ခန်း၊ စွန့်စားခန်းများကို ဖွဲ့ဆိုထားသဖြင့် ထိုလင်္ကာကြီးမျိုးကို အက်ပစ် ရဲတင်းလင်္ကာဟု ခေါ်ဆိုသည်။ ထိုလင်္ကာကြီးကို ဥရောပ၌ ဘာသာမပြန်ရသေးသော ဘာသာ မရှိချေ။ စာပေ အမွေအနှစ်အဖြစ် ခံယူထားကြလေသည်။ ကျွန်ုပ်တို့၏ အရှေ့တိုင်း၌ ရှိသော ရာမယနလင်္ကာကြီးမှာလည်း အက်ပစ်အမျိုးအစားပင် ဖြစ်သည်။ အော့ဒီဆီနှင့် ရာမယန လင်္ကာကြီးများမှာ ကမ္ဘာတွင် ယခုတိုင် ကျော်ကြားလျက်ရှိသည်။
  

• ရာသီဥတု တောတောင်ရေမြေတို့ကို ဖွဲ့ဆိုရာ၌ နတ်များက ဖန်ဆင်းသကဲ့သို့ ၎င်း၊ မိုးနတ်သား လေနတ်သားတို့ ထင်ရှားရှိသကဲ့သို့၎င်း၊ ရှေးဂရိလူမျိုးများ သည် မိုးဦးကျရာသီ ပန်းများပွင့်သည်ကို ရုက္ခစိုးနတ်သမီး၏ ချစ်သမီးတော် သေမင်းထံမှ ပြန်လာ၍ ပျော်ရွှင်သော အထိမ်းအမှတ်ဖြင့် ပွင့်လေဟန် ဖွဲ့ဆို ခဲ့ကြသည်။ ရာသီဘွဲ့၊ တောဘွဲ့၊ တောင်ဘွဲ့၊ မယ်ဘွဲ့၊ မောင်ဘွဲ့စသည်တို့မှာ မြန်မာစာပေ၌ ရှိသကဲ့သို့ အခြားစာပေများ၌လည်းရှိသည်။ ထိုအဖွဲ့မျိုးကို ဂရိတိုင်းရင်းသားတို့က လစ်ရစ် ဟုအမည်တပ်ထား၏။ မြန်မာစာပေ တေးထပ် ဟူသော ကဗျာအမျိုးအစားကို အနောက်တိုင်းစာပေ၌ ဆွန်းနက်ဟူ၍တွေ့ရ၏။ ဆွန်းနက်မှာ စာကြောင်းရေ ၁၄ ကြောင်းဖြင့် ကာရန်၊ အသံ စည်းမှန်အောင် စပ်ဆိုရသော ကဗျာမျိုးဖြစ်ပြီး မြန်မာ့တေးထပ်တွင်မူ ၁၈ ပိုဒ်ပြည့်အောင် အခံ အအုပ် ကာရန်များဖြင့် စနစ်ကျအောင် ဖွဲ့ဆိုရပေသည်။ မြန်မာ့အဲချင်း၊ အိုင်ချင်း၊ တေးအရိုးအဆန်းများနှင့် ခပ်ဆင်ဆင်တူသော အနောက်တိုင်းကဗျာတမျိုးကို ဗဲလက် ဟုခေါ်ထားကြောင်း တွေ့ရလေသည်။ သို့လျှင် ဘာသာစာပေအမျိုးမျိုး၊ ကဗျာအမျိုးအမည် အမျိုးမျိုးရှိလေသည်။ စပ်ပုံ ဟပ်ပုံ စည်းစနစ်နှင့် အခေါ်အ ဝေါ်များ ကွဲပြားခြားနားသော်လည်း စာပေတိုင်း ကဗျာလင်္ကာတိုင်းမှာ သာယာ နာပျော်ဖွယ်ဖြစ်အောင် ပညာရှိတို့ ဖွဲ့စီ သီကုံးထားသော စာဟုပင် အဓိပ္ပာယ် တညီတည်းရလေသည်။
  

ကဗျာကဏ္ဍ - ၄

မြန်မာကဗျာအမျိုးအစားများ
မြန်မာစာပေတွင် ကဗျာလင်္ကာကို လင်္ကာနှင့်သီချင်းဟု နှစ်မျိုးခွဲခြားထားသည်။

• လင်္ကာများမှာ

1. လင်္ကာ။
   
2. ပျို့။
   
3. မော်ကွန်း။
   
4. သံပိုင်း။
   
5. ရဲတင်း။
   
6. တမ်းချင်း။
   
7. သမိုင်း။
8. ဧချင်းသံတိုင်။
   
9. ဧချင်းသံပေါက်။
   
10. ရတု။
    
11. လူးတား။
    
12. အန်။
    
13. သံပေါက်။
    
14. ဝဲရိုက်ဝဲသွင်း တို့ဖြစ်သည်။

• သီချင်းများမှာ

1. ရကန်။
   
2. ဟောဇာ။
   
3. သာချင်း။
   
4. ကာချင်း။
   
5. အဲချင်း။
   
6. အိုင်ချင်း။
   
7. လေးချိုး။
   
8. သံချို။
   
9. ယိုးဒယား။
   
10. ပတ်ပျိုး။
    
11. ကြိုး။
    
12. ဘွဲ့။
    
13. ဘောလယ်အရိုး။
    
14. တေးအရိုးအဆန်း။
    
15. သဖြန်အရိုးအဆန်း။
    
16. ငိုချင်းအရိုးအဆန်း။
17. တုံးချင်းအရိုးအဆန်း။
    
18. ဟန်ချင်းအရိုးအဆန်း။
    
19. လှေချင်းအရိုးအဆန်း။
    
20. နတ်သံ။
    
21. မှာတမ်း။
    
22. ဇာတ်စကားစပ်ပုံ တို့ဖြစ်သည်။

ကဗျာကဏ္ဍ - ၃

ကဗျာ့စွမ်းရည်

• ကဗျာလင်္ကာဟူသည် စာ၊ စကားလုံးများထက် စိတ်အပေါ်တွင် ပို၍မူတည်လေ သည်။ စိတ်ကူးသည် ကဗျာလင်္ကာဖြစ်၍ စာ၊ စကားစသည်တို့မှာ ထိုစိတ်ကူးကို အကောင်အထည် ဖော်ပေးသော လက်နက်သာဖြစ်သည်။ ထို့ကြောင့် ဘာသာ စကား ကွဲပြားစေကာမူ ကဗျာတို့၏ စိတ်ကူးမှာ အတူတူပင် ဖြစ်သည်ကို တွေ့ခဲ့ ရသည်။ မြန်မာစာပေရှိ အလင်္ကာကျမ်းများတွင် ပါရှိသော ဥပစာ၊ ရသဂုဏ်တို့မှာ မဂဓဘာသာများမှ ဆင်းသက် ရရှိသကဲ့သို့၊ အနောက်တိုင်းကဗျာစာပေများတွင် ဂရိရောမတို့မှ ဆင်းသက်လာသော ဥပစာတင်စားနည်း အသုံးအနှုန်းတို့ ရှိလေ သည်။ နှိုင်းယှဉ်လေ့လာသောအခါ ကဗျာ့စိတ်ကူးများတူပုံကို တွေ့ရှိရသည်။
  

• မည်သည့်စာဆိုမဆို စိတ်ကူးချင်းမှာ ခပ်ဆင်ဆင်ပင်ဖြစ်သည်။ သူတို့၏ အတွေး အမြင်မှာ သာမန်လူတို့နှင့်မတူ ထူးခြားပေသည်။ နံနက်ချိန်ခါ ထွက်ပြူလာသော နေမင်းကို သာမန်လူ့မျက်စိတွင် အဝိုင်းပုံစံမှ ဝါဝါအရောင်များ ထွက်နေသည်ဟု သာမန်မြင်ပေမည်။ စာဆိုမျက်စိကား ယုဂန္ဓိုရ်တောင်ထိပ်ဖျားမှ နေရထားစကြာ သည် ရောင်မျိုးထွေဖြာထွက်ပေါ်လာကာ ကမ္ဘာသူကမ္ဘာသားများအား နှုတ်ဆက် သည့် အလားရှိ၏ဟု မြင်ပေမည်။ ထို့ကြောင့် ကဗျာကို ကြားနာ လေ့လာခြင်းဖြင့် မိမိတို့ ကြားနေကျ စကားလုံးများ၊ အသံများနှင့် မြင်နေကျ ပုံစံများသည် အသွင် ပြောင်းကာ အမြင်တမျိုး မင်လာနိုင်ပေသည်။
  

• ကဗျာလင်္ကာများမှာ လူ့စိတ်ကို စစ်ခရာတံပိုးကဲ့သို့ တက်ကြွ လှုံ့ဆော်နိုင်သော သတ္တိရှိ၏။ လူ့စိတ်ကို ယိုဖိတ်အောင် ညွတ်နူးစေနိုင်သော သတ္တိလည်းရှိသည်။ ကဗျာလင်္ကာသည် တခမ်းတနား ရှည်လျားစွာ ဖွဲ့ဆိုထားမှသာ ကဗျာလင်္ကာဟု မဆိုသာချေ။ မည်မျှပင် တိုစေကာမူ ကဗျာကာရန် မြောက်အောင် ဖွဲ့ဆိုထားလျှင် ကဗျာလင်္ကာဖြစ်နိုင်ပေသည်။ ကဗျာလင်္ကာမှာ အရသာရှိသော စာပေမျိုးဖြစ်၍ လူ့စိတ်ကို သူလိုရာသို့ ယိမ်းယိုင်လာအောင် ဆွဲငင်နိုင်သောသတ္တိထူးလည်း ရှိပေသည်။ ယင်းသို့အရသာ တွေ့နိုင်သော စာပေ၏ အမျိုးမျိုးသောအရသာကို ကျွန်ုပ်တို့ သိထားဖို့ကောင်း၏။ သာယာမှုမှာ လူ၏သဘာဝ အကြိုက်ပင်ဖြစ်ရာ သာယာစွာ ဖွဲ့နွဲ့သီကုံးထားသော ကဗျာလင်္ကာကိုလည်း လူတို့နှစ်သက် စွဲလမ်းပေမည်။
  

ကဗျာကဏ္ဍ - ၂

ကဗျာသဘောတရားများနှင့်ကာရန်

• မိမိစိတ်ခံစားမှု၊ လှုပ်ရှားမှု၊ တွေးကြံမှုတို့ကို သူတပါးစိတ်၌ ထိုနည်းနှင်နှင် တွေ့ ကြုံခံစား လှုပ်ရှားလာ အောင် ကူးဆက်ပေးသော အရာကား ကဗျာ လင်္ကာပင် ဖြစ်သည်။ ယင်းသို့ မိမိခံစားမှုကို သူတပါးကို ယ်တွေ့ ခံစားမှုဖြစ်သွားအောင် ကူးပြောင်းပေးရသည်မှာ မလွယ်ကူချေ။ မိမိသိသလို သူတပါးသိအောင်၊ မိမိမြင် သလို သူတပါးမြင်အောင် ပြစားဖို့ရာ လက်နက်ကောင်းလိုသည်။ ထိုလက်နက် ကောင်းသည် ကား ကဗျာလင်္ကာတည်း ဟူသော တန်ဆာ၊ ဖြစ်မြောက်အောင် ထောက်မကူညီပေးသော အသံကာရန်၊ စပ်ပုံ ဟပ်ပုံ၊ စပုံ ချပုံ၊ အနက်အဓိပ္ပာယ် စသည်တို့ဖြစ်၏။
  

• ကဗျာလင်္ကာဟူသည် ကာရန်ကလေးများ ဟပ်ထားရုံနှင့် ကဗျာလင်္ကာမြောက် ပြီဟု မဆိုသာချေ။ မည်သည့် ဘာသာ စာပေမဆို ကာရန်ချိတ်ဆက်ပုံ၊အသံနေ အသံထားယူပုံ၊ ရသပေါ်အောင်ဖွဲ့ပုံ စသော ကဗျာဥပဒေ စည်းကမ်းများ ရှိပေ သည်။ ထိုစည်းကမ်းများဖြင့် စနစ်တကျ ပြည့်ဝအောင် ဖွဲ့ဆိုသီကုံးတတ်မှသာ ကဗျာလင်္ကာဖြစ်ပေမည်။ ကဗျာစာဆိုသည် ထိုထိုသော လက်နက်ကိရိယာများ ကို မှန်ကန်အောင် သုံးတတ်ပါမှ စာဆိုကိုယ်တိုင် သိရှိခံစားရသော အရသာကို စာဖတ်သူသည် တင်းပြည့်ကျပ်ပြည့် ခံစားနိုင်ပေမည်။ စာဆို၏ စိတ်နှလုံးဝယ် ခံစားရသော အာရုံများကို သူ့စကားလုံးများက အဓိပ္ပာယ် ဖော်ပေးနေမှသာ ကဗျာလင်္ကာ အစစ်ဖြစ်နိုင်ပေသည်။

• ပညာရှိများ ဖွဲ့စည်းထားသော ကဗျာလင်္ကာ အရသာကို ခံစားနိုင်သောနည်း ရှိပါ သလောဟု စဉ်းစားစရာ ဖြစ်ပေသည်။ ချိုချဉ် ခဲဖွယ်တို့၏ အရသာသည် လျှာ၊ အဆင်းသည် မျက်စိ၊ ကဗျာလင်္ကာ အရသာသည် နားဖြစ်၏။ ဂီတသံစဉ်များကို နားလည်နိုင်ရန်၊ ဂီတအရသာကို ခံစားနိုင်ရန်အပြင် ကဗျာအရသာကို သိနိုင်ရန် လည်း နားကိုပင် လေ့ကျင့်ထားရပေမည်။ ထို့ပြင် ကဗျာဟူသည် စိတ်ထဲက ဖတ်ရုံနှင့် အရသာ မပြည့်စုံချေ။ သူတပါး အသံထွက်ဖတ်ခြင်းကို နားထောင်ခြင်း၊ ကိုယ်တိုင် အသံထွက် ဖတ်ခြင်းတို့ကို ပြုမှသာလျှင် ပြည့်စုံသော အရသာ ပေါ်နိုင်လေသည်။

စာအုပ်များ

http://www.mediafire.com/download.php?kmqzzuvj2om
http://www.mediafire.com/download.php?kmqzzuvj2om
http://www.mediafire.com/download.php?mjodwn0tznx
http://www.mediafire.com/download.php?mjodwn0tznx
http://www.mediafire.com/download.php?mjodwn0tznx
http://www.mediafire.com/download.php?nzdkwdtmznn
http://www.mediafire.com/download.php?ogltzutezj2
http://www.mediafire.com/download.php?m2ndojnfemd
http://www.mediafire.com/download.php?wminmxwhwjw
http://www.mediafire.com/download.php?dujkmmytoul
http://www.mediafire.com/download.php?umjmn1x4zlk

ကဗျာကဏ္ဍ - ၁

ကဗျာလင်္ကာ
ကဗျာလင်္ကာဟူသည်ကား လူတို့၏ နေ့စဉ် သုံးစွဲပြောဆိုနေသော သာမန်စကားများကို တေးဂီတပမာ ပြေပြစ်ချောမောစွာ ချိုသာငြိမ့်ငြောင်းအောင် စီကုံးရေးသားထားသော စာဖြစ်သည်။ ထို့ပြင် ပဒဒေါသ၊ ဝါကျဒေါသစသော ဒေါသအပေါင်းတို့မှ ကင်းလွတ်၍
ပသာဒဂုဏ်၊ သဇ္ဇဂုဏ်စသောဂုဏ်တို့နှင့် ပြည့်စုံအောင် သီကုံးထားသော မဂဓဘာသာ၌ ဂါထာ၊ မြန်မာဘာသာ၌ လင်္ကာသီချင်းများကို ကဗျာလင်္ကာဟုခေါ်သည်။

ကဗျာ ဘယ်ကစ
ကဗျာလင်္ကာကို မည်သူက စတင်ရေးလိုက်သည်ကို အတိအကျ မပြောနိုင်ချေ။ သို့သော် မည်သို့စတင်ဖြစ်ပေါ်လာသည်ကိုမူ ခန့်မှန်းနိုင်သည်။ ကဗျာလင်္ကာဟူသည် တေးဂီတ ပမာ ချိုသာငြိမ့်ငြောင်းအောင် စီကုံးထားသောစာဟု အထက်ကဆိုခဲ့ချေပြီ။ ထို့ကြောင့် ကဗျာလင်္ကာ၏ ရေသောက်မြစ်ဖြစ်သော တေးဂီတများကို ပြန်လည် သုံး သပ်သင့်သည်။ တေးဂီတများ မည်သို့စတင်ပေါ်ပေါက်လာသနည်း။

ကမ္ဘာဦးမှ သုခုမ
ကမ္ဘာဦးလူတို့သည် တနေကုန် အမဲလိုက်၊ ငါးမျှား စသဖြင့် အစာရှာဖွေခဲ့ရာ ပင်ပန်းနွမ်း နယ်သည့်အလျောက် ညအချိန်စုဝေးလျက် ကျေးငှက်သံ၊ မိုးသံလေသံ၊ သစ်ပင်သစ်ရွက် လှုပ်ရှားသံ စသော ဂီတသံတို့ကို တယောက်တလှည့်စီ အတုယူ အော်မြည်ဖျော်ဖြေကြ ပေလိမ့်မည်။ အချို့ကလည်း မိမိတို့ တနေ့တာတွင် ကြုံတွေ့ခဲ့ရသော အဖြစ်အပျက်များ ဗဟုသုတများကို ပြောကြပေမည်။ ထိုနေရာ၌ပတ်ဝန်းကျင်သဘာဝသံများကို အားကျ၍ ရိုးရိုးစကားနှင့်မပြောပဲ ဂီတသံနှောသည့် စကားလုံးတို့ဖြင့် ကြံဖန်ပြောသည့် အလေ့များ ဖြစ်လာခဲ့ပြီး ထိုသို့စကားရိုးရိုးမှ ဂီတသံကိုမှီးလျက် သာယာနာပျော်ဖွယ်ဖြစ်လာအောင် စီကာပတ်ကုံးပြောပြခြင်းသည် ကဗျာလင်္ကာသဘော ဆောင်လာနေပြီဟု ဆိုရပေမည်။ သို့သော်ထိုသည်ကား နှုတ်ကဗျာသာဖြစ်၍ စာအက္ခရာ မပေါ်ပေါက်မီကပင် လူတို့သည် မိမိတို့စိတ်နှလုံး တွေ့ကြုံခံစားမှုကို ထုတ်ဖော်ပြောဆိုသော ကဗျာတေးများ ရှိခဲ့ရာ စာအက္ခရာပေါ်ပေါက်လာသောအခါ ကဗျာလင်္ကာဟူသော အရေးအသားပေါ်ထွန်းလာ မည်ဟု ကျိုးကြောင်းဆက်စပ် သိနိုင်ပေသည်။